Adolygu Addysg Grefyddol
Meysydd i'w Datblygu

• Mae'r amser addysgu ar gyfer AG yn anghyson weithiau. Dylid neilltuo 5% o amser y cwricwlwm i'r pwnc yn wythnosol. Nid yw hyn yn cynnwys Cydaddoli.
• Nid yw'r trefniadau i asesu cynnydd disgyblion o ran AG yn y cyfnod Cynradd wedi'u datblygu digon ar hyn o bryd. Mae angen i ysgolion sicrhau bod marcio'n gysylltiedig ag amcanion gwersi, gan alluogi'r disgyblion i gael targedau clir ar gyfer gwella eu gwaith.
• Mae diffyg manyldeb o ran y trefniadau pontio rhwng CA1 a 2 a dylid eu datblygu ymhellach. Gallai ysgolion ganolbwyntio ar y materion canlynol:
  • Ysgolion Babanod a Iau i gydweithio ar gynllun gwaith a rennir
  • osgoi dyblygu themâu crefyddol cyffredin ar draws dosbarthiadau a chyfnodau e.e. mae angen cynllunio ymweliad â synagog yn ofalus er mwyn osgoi ailadrodd
  • caniatau staff o ysgolion partner i gwrdd ac arsylwi dulliau addysgu ei gilydd a rhannu adnoddau ac arbenigedd
  • darparu cyfleoedd a gynlluniwyd i drafod materion sy'n ymwneud â chynnydd a dilyniant
• Mae angen i ysgolion barhau i ddatblygu rôl y Cydlynydd AG wrth gynllunio monitro a gwerthuso ac adrodd, gan gynnwys cyd-gysylltu â'r Corff Llywodraethu.
• Byddai'r Cydlynwyr yn elwa o sicrhau cyllideb flynyddol reolaidd i brynu adnoddau perthnasol.
• Mae angen i athrawon sicrhau bod ffocws crefyddol clir i wersi AG.
• Dylai ysgolion sicrhau eu bod yn cynllunio ar gyfer delio â'r sgiliau sylfaenol wrth addysgu AG, sy'n cynnwys:
  • arsylwi
  • holi
  • empathi
  • dealltwriaeth
  • adfyfyrio
  • barn
  • mynegiant
• Yn yr un modd mae angen sicrhau bod ysgolion yn cynllunio ar gyfer addysgu agweddau sylfaenol o ran AG, e.e:
  • gofal
  • chwilfrydedd
  • sensitifrwydd
  • unplygrwydd
  • gwerthfawrogiad

Yn ôl i'r Adolygaidau Pwnc