Cymraeg Ail Iaith
Safon Dysgu

• Arsylwyd dysgu o safon dda iawn. Pan fydd yr athrawon yn rhoi amcanion clir a chyflwyniadau brwdfrydig mae'r disgyblion yn ymateb yn dda i dasgau ac yn gweithio gyda'i gilydd ar gyflymder da.
• Ysgogir y disgyblion i gymryd rhan mewn tasgau siarad a gallant weithio'n effeithiol mewn grwpiau a pharau.
• Mae llawer o ddisgyblion yn gwneud defnydd da o adnoddau ac yn defnyddio cardiau awgrym ieithyddol a geiriaduron i wella eu sgiliau ieithyddol.

Safon Addysgu

• Mae safon gyffredinol yr addysgu'n dda gyda pheth addysgu da iawn yn amlwg mewn rhai dosbarthiadau.
• Mae bron pob athro/athrawes a arsylwyd wedi defnyddio hyfforddiant iaith addas.
• Mae amseru a safon mewnbwn gan athrawon yn dda yn gyffredinol. Mae'r gwersi wedi'u cynllunio'n dda ac yn rhoi cyfle i'r disgyblion ddatblygu sgiliau ieithyddol.
• Mae llawer o'r addysgu'n ysgogi'r holl ddisgyblion. Arsylwyd gwahaniaethu effeithiol, yn enwedig o ran y disgyblion hynny sy'n 'hwyr-ddyfodiaid' i astudio Cymraeg.
• Yn yr addysgu gorau, anogir y disgyblion yn gyson i roi ymatebion llafar amgen a mwy estynedig. Mae'r disgyblion hefyd yn cael eu herio i wella safon eu gwaith llafar ac ysgrifenedig.
• Mewn lleiafrif o achosion, nid yw'r athrawon yn gwneud defnydd sylweddol o'r iaith darged ac mae rhai o'r cyflwyniadau gan athrawon yn rhy hir.

Parhau: Enghreifftiau o Arfer Da