Monitro Pynciau, Mesur Safonau

Addysg Gorfforol
Safonau a Chyflawniad
Er mwyn gwerthuso safonau yn addysg gorfforol barnwch a yw'r disgyblion yn cyflawni'n gydradd â'r disgwyliadau am eu hoedran. Defnyddiwch eich profiad i wneud hyn ac hefyd ystyriwch y disgrifiadau lefel yn y Cwricwlwm Cenedlaethol.

Dewch at farn ynglŷn â'r modd mae disgyblion yn:

• meddu a datblygu eu medrau
• dewis a chymhwyso'u medrau, tactegau a syniadau cyfansoddi (e.e. wrth greu symudiad mewn gymnasteg neu ddawns)
• gwerthuso a gwella'u perfformiad
• meddu ar wybodaeth a dealltwriaeth o ffitrwydd a chadw'n iach

Gwerthuswch eu cyflawniad drwy benderfynu a yw'r disgyblion yn dysgu i'w llawn gallu.

Gallai cwestiynau i'w gofyn i'r disgyblion ar ddiwedd neu'n agos at ddiwedd Cyfnod Allweddol 1 gynnwys:

• 'Pa rannau o'ch corff a ddefnyddioch chi i ddechrau/gorffen eich dilyniant gymnasteg?'
• 'A oedd eich dilyniant dawns chi neu'ch ffrind yn cynnwys pob rhan y gofynnwyd i chi ei chynnwys?'
• 'Beth oeddech chi'n ei hoffi am eich dilyniant chi neu ddilyniant eich ffrind?'
• 'Sut gallech chi neu ef/hi wella'r dilyniant ar gyfer y tro nesaf?'
• 'Pam penderfynoch chi ei wneud yn y ffordd honno?'
• 'Beth fyddai'n digwydd petai...?'
• 'Pha fathau eraill o dafliadau y gallech fod wedi rhoi cynnig arnynt...?'

Gallai cwestiynau i'w gofyn i'r disgyblion ar ddiwedd neu'n agos at ddiwedd Cyfnod Allweddol 2 gynnwys:

• 'Pa ran o'r gerddoriaeth oedd yr hawsaf/anoddaf i'w defnyddio yn eich dawns?', 'Pam?'
• 'Pa syniadau da a gawsoch chi gan eich partner i'ch helpu chi gyda'ch dawns?'
• 'Pa mor dda rydych chi'n meddwl y gwnaeth eich tîm amddiffyn yn y gêm honno...?'
• 'Beth rydych chi'n meddwl y bydd yn rhaid i chi geisio'i wneud i fynd heibio iddo ef/iddi hi y tro nesaf?'
• 'Beth y mae angen i chi feddwl amdano i wella eich glaniad ar ôl naid?'
• 'Sut oeddech yn teimlo ar ôl gorffen cynhesu?', 'Pam mae angen i ni gynhesu? Beth sy'n digwydd i'ch corff?'

Dewiswch bwnc arall isod:

	Addysg Gorfforol			Addysg Grefyddol
	Celf			Daearyddiaeth
	Dylunio a Thechnoleg			Gwyddoniaeth
	Hanes			Mathemateg
	Saesneg/Cymraeg			Technoleg Gwybodaeth