Monitro Pynciau, Mesur Safonau

Mathemateg
Gwerthuswch y canlynol:

• pa mor gywir y gallant ddarllen rhifau, cyfrif a threfnu rhifau a deall gwerth lle
• yr hyn y maent yn ei wybod ar eu cof a'r hyn y gallant ei gyfrifo'u hunain
• rhwyddineb trin rhifau yn y pen ac amrywiaeth y strategaethau cyfrifo y gallant eu defnyddio a'u cymhwyso
• pa mor dda y maent yn defnyddio termau a nodiant mathemategol
• pa mor dda y maent yn defnyddio ymagweddau safonol ac ansafonol at gyfrifo
• a allant amcangyfrif yn gall
• eu gallu i gofnodi datganiadau rhif, gan gynnwys ffracsiynau, degolion a chanrannau
• eu dulliau cyfrifiannu
• sut y maent yn cynrychioli ac yn dehongli data
• a allant adnabod ac enwi gwahanol siapiau, disgrifio eu lleoliad a'u symudiad, a nodi priodweddau
• pa mor dda y maent yn defnyddio ac yn cymhwyso eu gwybodaeth a'u sgiliau i ddatrys problemau a rhesymu

Gallai cwestiynau i'w gofyn i'r disgyblion ar ddiwedd neu'n agos at ddiwedd Cyfnod Allweddol 1 gynnwys:

• 'Beth sy'n 10 yn fwy na 63, 10 yn llai na 38?'
• 'Darllenwch y rhifau hyn: 19, 32, 50, 94, 700?'
• 'Cyfrifwch i fyny neu'n ôl fesul un o 33, fesul 2 o 12?
• 'Nodwch wahanol ffyrdd o wneud 10 drwy adio neu dynnu rhifau?'
• 'Beth sydd tua 1cm, 10cm, 100cm o hyd/taldra/lled/dyfnder?'
• 'Beth yw'r arwydd sydd ar goll, 18 = 23 ? 5?'
• 'Beth mae'r graff hwn yn ei ddweud wrthym am y maint esgidiau mwyaf cyffredin?'
• 'Beth yw siâp y gwrthrych hwn?', 'Sawl ymyl, wyneb etc?'
• 'Rwy'n meddwl am rif ac yna'i haneru a'r ateb yw 9.', 'Beth yw'r rhif?'
• 'Aeth Manon ar y bws am 9.00. Hyd y daith oedd hanner awr. Pa amser yr aeth hi oddi ar y bws?'

Ac ar gyfer disgyblion ar ddiwedd neu'n agos at ddiwedd Cyfnod Allweddol 2:

• 'Darllenwch y rhifau hyn: 2,537; 620,002; 24,890?'
• 'Sawl 7 sydd yn 35?'
• 'Dyblwch 372 , 1.8?'
• 'Beth yw chwarter 2?', 'Dewch o hyd i 10 y cant o 60; 15 y cant o 60?'
• 'Beth yw 51 x 47 yn fras?'
• 'Beth yw perimedr yr ystafell ddosbarth mewn metrau?'
• 'Pa unedau fyddech chi'n eu defnyddio wrth fesur perimedr llyfr/yr iard chwarae/trwch darn o bapur y pellter rhwng Abertawe a Chastell-nedd?', 'Sut byddech chi'n mesur y pellteroedd hyn?'
• 'Sawl ochr sydd gan bentagon?', 'Disgrifiwch byramid?'
• (i ddisgyblion sy'n dehongli graff o sgorau prawf) 'Beth oedd y sgôr fwyaf cyffredin yn y prawf?', 'Sawl un gafodd lai na hanner marciau?', 'Pa ffracsiwn gafodd fwy na hanner marciau?'
• 'Torrais 65cm oddi ar raff 3.5m.', 'Faint sydd ar ôl?'

Gofynnwch 'Sut y cyfrifoch chi hynny?' i'r disgyblion yn rheolaidd i werthuso pa mor llwyddiannus y maent yn:

• defnyddio iaith fathemategol
• gwybod a chofio ffeithiau mathemategol
• cymhwyso eu gwybodaeth a'u sgiliau
• defnyddio gwahanol strategaethau pen
• dewis a defnyddio offer mathemategol
• rhesymu a meddwl yn fathemategol
• mesur, cyfrifo a lluniadu
• defnyddio dulliau a gweithdrefnau priodol i ddatrys problemau'n ysgrifenedig neu yn y pen
• gwybod a defnyddio priodweddau siapiau
• esbonio a dehongli graffiau a thablau

Dylech drafod y gwaith sydd wedi'i gofnodi yn llyfrau'r disgyblion gan ofyn iddynt gyfeirio at ei gynnwys a'i gyd-destun.

Dewiswch bwnc arall isod:

	Addysg Gorfforol			Addysg Grefyddol
	Celf			Daearyddiaeth
	Dylunio a Thechnoleg			Gwyddoniaeth
	Hanes			Mathemateg
	Saesneg/Cymraeg			Technoleg Gwybodaeth